.. UnART - Portal

[OHB]

DA GUATSTEHER
von TONI KRUTISCH
(Frei nach Schillers Ballade "Die Bürgschaft")

Zu Dionis, dem Tyrann von de Griechen,
is dä Mörus mit an Dolch zuwegschlichen.
Oba wira se so zuwedrängt, und ans Stechn no net amol denkt,
da ham eahm scho de Kiewara daglengt.

Da sagt da Tyrann "Hob i di du Strolch,
speib, was hast‘n machen wollen mitn Dolch?"
Mant da Mörus, i bin a ehrlicher Knopf,
und wann ma de Wahrheit a kostat mein Kopf,
aber i sags, und sollt mi da Teufi hoin,
ja du Bücha, i hab di hamdrahn wolln!

Aha, schreit da Tyrann, du biestiges Luada,
i habs ja glei gwußt, du bist a ka Guada!
Aber bei mir du Sandler do hast di vergoglt,
dafür wirst jetzt aufs Kreuz aufegnoglt!

Do winselt da Mörus ganz dasig, "Oh mei!"
"Wia kann ma nur so nachtragend sei."
Der tut a so , wia wann i eahm wehtau hät,
dabei war i zum Stechn eh fü zu bled.

Wann i net so botschert warat du Pippn,
hättast den Feidl scho längst zwischn d‘Rippen!
Aber wannst ma scho nehma wüst mei Leben,
kunnst ma vorher a Gnade no geben.
Weil wann i jetzt sterbat, dann wa des saubled,
weil mei Schwester de Hochzeit no hät.

Lang gnua hots ja gsuacht de schiache Zechn,
jetzt hots endlich an gfunden, an so an Wechn.
Der is so deppat, und packts, so a Blinder,
und spielt a den Vatern für ihre drei Kinder!

I wahrat ihr Beistand, und wann i net kau,
rennt ihr des Weh vielleicht wieda davau.
Drum tat i di bitten, laß ma mei Pflicht no erfülln,
wanns dan vorbei is, komm i z’ruck, und erfüll da dein Wülln.

Nachan laß i mi braten am Kreuz in da Sun,
"Was warst den so deppat" sagt drauf der Tribun.
Hättast halt mitn Stechn zugwoat bis Murgen,
dann häst wegn da Hochzeit heit kane Surgen.

Wer mitn Feia spüt, der varbrennt se de Klebeln,
drum halt jetzt dei Meu, und hea auf mitn Kebbeln.
I bin da Dionys, oder glaubst i has Ottl,
laßat i di jetzt geh, dann wa i a Trottel!

Du hast ja an Klopfer, wia stellst da des fur.
Drauf mant da Mörus jetzt hea amoi zua:
"I hätat an Freind" der stangat ma guat,
und bleibt da ois Pfand, daweil i bin fuat.
Und wirklich, der Freind is bereit zu der Hackn,
und sagt i vertrau da, du wirst es dapockn!

Aber dastas wast, dei Wurt, des muast hoidn,
und wann i stot dir eigeh, sag is deiner Oidn.
Und was da dann bliaht, des kannst da ja denga!"
"I komm scho zruck" sagt da Mörus, "lieber laß i mi hänga!"

Bei mir da hast de teischt, i laß eahm net stocken
sagt da Mörus, und macht si zur Hochzeit aufd Socken.

Dort hat er als Beistand ganz brav unterschriebn,
aber trotzdem is er, wias halt a so is, dann do picken blieben.
Und er hat gsoffen und gfressen und kudert und glacht,
und die Ramasurie hat dauert zwa Tag, und zwa Nacht.

Wira mit an tepperten Schädel erwacht in der Hapfen,
foid eahm da Freind ein, und eahm hauts fast aus de Schlapfen.
Zwölf Stund hat er nur mehr bis zum Abendrot,
und wanna net zrechtkummt is da Hawara tot!

Ohne Abschied, ohne Fruastuck und ohne Rasieren,
schleicht er se fuat und fangt an zum marschiern.
Da fangts an zum trepfeln, dann regnets und schütts,
doch er hatscht weida bei Sturm Donner und Blitz.

Aber wira zum Fluß kommt vergeht eahm da Reiß,
de Bruckn is weg. "Wos tua oh Zeis?"
"De Bruckn is weg, i hab ka Schinackl,
und bei dem Wellengang schwimma, des is a ka Hackl."
Aber es bleibt eahm nix über, er muaß durch des Wosser,
also hupft er halt eini, er wird jo eh nimma nossa.

Er raft se herum mit de haushochn Wogen,
und a poa mal da häts eahm a fast abizogen,
aber er tuat beten und bitten und sempern,
und da Zeis hat a Mitleid, und laßt eahm net schlempern.

So kummt er mit Ach und Krach umi,
kreut außi und sagt, wann i mi dummi,
kumm i nu vorm Abendrot eini ind Stadt.
Dabei macht er an Fotz der Zwiefikrowod.

Und weida rennt er mitn patschnassen Frack,
wia waun eahm sitzad da Teufi im Gnack!
Da versperrn eahm auf amol no Räuba den Weg,
"Schleichts eich!" schreit er, "I hab ja an Dreck!"

"Des anzige was i no hab, is mei Leben,
und des muaß i heite in Kenig nu geben."
Aber de kreuln eahm net abi, und wolln eahm daschlogen,
da wird er wüld, da platzt eahm da Kragen.

Er gibt den ersten a Fotzn, den zweiten an Schuß,
dem dritten a Kinnhakerl, voller Genuß,
dem vierten an Tritt, und kaft eahm an Reider,
de andern verkuman, und er rennt scho weida.

Aber sche langsam wean bleiern de Haxen,
er wird miada und miada, es krachen de Flaxen!
Und er denkt se, kummt des vom jaucken,
oder hät i vielleicht solln net so vü rauckn.
Doch er jappert weida auf de hinichn Schleich,
de Sun geht scho owe, der Himmel wird bleich.

Da kommt er zum Stadtrand mit hängada Zunga,
er denkt se nur ans: "Gelunga, gelunga!
Da kommt eahm auf amol sei Hausmasta ind Quer
und schreit, du rettest den Freind nimma mehr!
Zu spät, sie ziagn eahm scho aufi aufs Kreiz,
rett du dir dei Lebn, und verduft in de Schweiz.

Doch er gibt net nach, reistse nuamol zaum,
spuckt in de Händ, und sagt, glei werdn mas habn.
Er start wia da Ben Johnson eine ind Stadt,
dort zahns in Freind aufs Kreiz aufi grad.

Und der Tyrann hanselt eahm immer:
Na, Tepperta, dei Spezi komm nimma.
"Der kommt" röchelt der Freind obwoi ers ned glaubt
aufamol siacht er von der Weidn, wias do a so staubt.
Da kummt ana khatscht, steßt Türl auf und schreit:
"Mochts ma an Plotz, i hab ja ka Zeit."

Da schreit da Freind" Hollodaroh!
Was sagst jetzt Tyrann, da Mörus is do!"
Dem Tyrann foid obi vor Entteischung des Ladl,
er glaubt, er tramd und zwickt se ins Wadl.
Aber es is woa und wirklich ka Tram,
da Mörus da Oide is wida Daham.

"Freindschaft" schreit da Mörus "geht mir über ois,
jetzt bin i do Freind, und, rett da dein Hals!"
Und de zwa falln se vor Rührung so lang in de Arm,
das de Leit umadum scho glaubn, de san woam.
Der Tyrann steht danebn, und siniert,
der Mörus, des Hundsviech, des hat mi blamiert.

Jetzt kann i nix tuan, als wia vertuschen mein Gietzi,
und schasfreindlich sagt er: "Es sats ma zwa Strizzi"
"I mecht eich sche bittn in dera Stund,
nehmts mi als drittn auf in eichan Bund."
Da sagt der Mörus zum bekehrten Tyrann:
"Du des is leiwand, mia brauchn eh an!"
"Nissal schreib auf, du kannst uns net Pflanzen,
du wirst unser Dritter.... beim Preferanzen!

[OHB]

BANANAN

Aum Moakt kummt unlängst zu an Standler
a Mau´, der ausschaut wia a Sandler.
Und außadem siacht ma eam au´n,
dass er ned b´sonders g´scheid sei kau´n.
Mit an klaan Netzerl in da Haund
kummt zuwe er zum Greitlerstaund;
Und wir´a laungsaum her so zottl´t
wirkt er a bissal leicht vertrottl´t,
wia´s oft der Fall is bei so Männan
de wia a Weib mi´n Zegal rennan.
Und wäu des linke Ohr eahm tropft
Hod er´s mit Watte si vaschtopft.
Drum tuat er si zu sein Maleer
jetzt mit´n Hörn a bissal schwer.
Von Haus aus eeh scho leicht beklopft
Und no dazua de Uhrn vaschtopft,
do kummt es, wia es kumma muaß –
zu dem folgenden Dischkurs:
,,Tag der Herr! Wos kriag ma denn?“

,,Lauter red´n, bittescheen!“

,,I frog ihna: wos mechtn´s haum!?“

,,Zwaa Bananen und a Kilo Traub´m!“

,,Traub´m san do – picksiaß – ka Laus,
nur Bananen san scho aus.
Murg´n werd i frische hol´n,
oba sunnst gibt´s olles, wos se woll´n.
Sogn´s hoit, wos se gern häd´n!“

,,Kennan se ned lauter red´n?
B a n a n e n mecht i – scheene zwaa -
Und a Kilo Traub´m aa!“ –

Der Greitler sogt:,,Se san a Gfoahr,
i schrei jo eeh scho wia a Noar!
I hob scho g´sogt mei liaba Herr:
BANANEN hob i kaane mehr.
Nehmans heit hoit Mandarinan,
scheene hob i do herinnan.“

Drauf sogt der Sandler ungehoit´n:
,,De kennans ihna ruhig g´hoit´n,
de Varreckal´n, diese klaanan –
i wü Traub´n und B a n a n a n!“

Jetzt geht der Standla leich in´d Heh´:
,,Jo glaub´n see, i moch an Schmäh,
dass i ka Banane hob?
Herr, se bringan mi ins Grob!
Nehman´s hoit um Gottes Wüll´n
Stott Bananen heit Marüll´n
Oda in Dreiteiflsnauman
Pferscher, Kriachal´n oder Pflauman.
Olles hob i do – schaun´s her:
Ogrosl´n und Heidlbeer;
Äpfl kaunn i ihna zeig´n:
Maschanska, Kronprinz – gaunze Steig´n.
Nur – vaschtehngan´s mi: BANANE
Hob i heite wiaklich KAANE!“

Drauf sogt der Kunde: ,,Se san z´leise!
Wia san de Bananenpreise?
Waunn´s teuer san, so nimm i´s aa,
i wüll jo heite eeh nur zwaa!“

Do pockt den Standler leicht da Zuan:
,,Wos soll i mit dem Trottl tuan?
Liaba Himmevota, hoit mi z´ruck,
das i eam ned ane druck!“
Daunn brüllt er:,,Pleampl – jetzt huach her,
waunn´s jetzt ned kloppt, gschiacht a Maleer!
Host de Uhrn mit Dreck vaschtopft
Oda bist scho gaunz beklopft?
Bei mir is wohl der Kunde Keenig,
doch i siach, des nutzt ma wenig,
trotz Freindlichkeit moch i kaan Riss,
wenn der bled und terrisch is. –
Und jetzt paß auf: zum letzt´n moi: BANANE
hob i ned amoi mehr AANE!!!“ –

Do geht a Leicht´n übers G´sicht vom Sandler
Und vorwurfsvoi sogt er zum Standler:
,,Ah so! Nau jetzt vaschteh i endlich!
Wos redn´s denn ned glei vaschtändlich?
I hob kapiert jetzt, wos se manan;
Oiso loß ma´d Traub´m und gebm´s ma VIER BANANAN!“

[contraindicatio]

die muschi von da uschi

die muschi von da uschi
die stinkt a so
die stinkt a so
wia a bahnhofsklo

die muschi von da uschi
die fäult ois wia
jo do gehst in de knia

des nudi vom rudi
des stinkt a so
des stinkt a so
wia a stadtbahnklo

des nudi vom rudi
des fäult ois wia
jo do gehst in de knia

der schwanz vom franz
der stinkt a so
der stinkt a so
wia a u-bahnklo

der schwanz vom franz
der fäult ois wia
jo do gehst in de knia

des rearl vom ferl
des stinkt a so
stinkt a so
wia a schnöbahnklo

des rearl vom ferl
des fäult ois wia
jo do gehst in de knia

de vagina von da tina
de stinkt a so
stinkt a so
wia a hauptschulklo

de vagina von da tin
de fäult ois wia
jo do gehst in de knia

der orsch vom schorsch
der stinkt a so
stinkt a so
wia a stodtparkklo

der orsch vom schorsch
der fäult ois wia
jo do gehst in de knia

de fut von da ruth
de stinkt a so
stinkt a so
wia a volksschulklo

de fut von da ruth
de fäult ois wia
jo do gehst in de knia

das hoserl vom roserl
des stinkt a so
stinkt a so
wia a wirtshausklo

des hoserl vom roserl
des fäult ois wia
jo do gehst in de knia

der penis vom denis
der stinkt a so
stinkt a so
wia a herrenklo

der penis vom denis
der fäult ois wia
jo do gehst in de knia

de klitoris von da doris
de stinkt a so
stinkt a so
wia a damenklo

de klitoris von da doris
de fäult ois wia
jo do gehst in de knia

(die hinichen)

[OHB]

Wauns wo auf da Gossn gengan
Und de Leit net recht vastengan
daun sans a ka Weanakind
passns auf und leanans gschwind

A Kramuri is a Glumpat
G´raffeweak des is a Kram
Und waunns irgendwo recht bumpat
Mia a Remassuri ham

Gehst auf Lepschi suachst a Gschpusi
So a Pantschal is wos Klass
A Bahö is laung ka Musi
Und Bagasch hass ma de Rass

Wea an Hieb hot der is auntrenzt
Des is es gleiche wia a Klamsch
Und waunnst das Pappnhoidn aungwenst
Gems da ibaroi in Ramsch

Mauncha blaazt ois wia a Keibal
Mocht dabei a hantichs G´fries
Owa imma is um a g´stöllts Weiwal
samma se ehrlich - überoi a Botzn G´riss

Zagt se ana maunchmoi nodich
Zaunta umman jedn Netsch
Steigst in Gatsch, werdn´d Triachaln kotich
Gschropp haasst ma in Pampaletsch

Und soit ma´s Pippaln goa valerna
Daunn geht schnöö de Wöd zugrund
Owa daunn erscht streckt da letzte Weana
z´nepft und z´letscht de Potschn aus.

autor unbekannt